不經不覺已經當上奶媽4個月喇, 好想記錄返呢段珍貴既時刻同埋分享下心得.
未生玉子b前, 已經諗住試喂媽媽奶, 心態只係有就喂無就奶粉.
生完玉子b, 係產房時其實已經可以喂架la, 不過傻傻的我只係掛住望住bb爬係我心口, 結果bb既第一餐姑娘幫我補左粉, 不過唔緊要幾個鐘後就開始喂第1餐, 眼見身邊既媽媽都好勤力咁喂, 我當然都唔會偷懶喇, 由於本人並不偉大, 頭3日係完全無谷既感覺, 新手媽媽又唔係好識睇片,成日都唔覺佢有wei wei.....~.~ 仲以為自己無奶, 結果3日內補左1次粉, 後來我發現其實自己只望前面有無變色, 女仔應該要望後面有無變色至啱, 到係醫院既第3日我先試下吱出黎, oh...原來係有的....
返到屋企既第1日我已經放棄左埋身, 覺得汞出黎睇到喂幾多仲好, 其實汞奶好煩架, 好多野洗又唗時間 ~.~
走上汞媽路既第1餐奶
生之前已經買定avent手汞, 媽媽網評多人話好用,
用後感~~ 咁又真係幾好用, 意見係可以買黎旁身, 出街唔想咁重都可以帶下.
實用指數* * * * * 又平抵用.
再好用都要手動, 頭果十日真係汞到手抽根, 又累又無精神, 當時唔知點解又慳妹上身唔係好捨得買電, 成千蚊好貴咁, 可能太辛苦又病緊, 幾度想放棄, 所以又唔想買, 可能返工就唔喂, 又唔想買, 不過陪月姐姐勸我買, 最後買了avent電單汞, 用左後當然又再輕鬆d.
用後感~~ 其實出奶既速度同手汞差唔多, 一定要用手托住, 如果唔係會趺, 如果係用返寬口奶樽, 咁你可以買佢, 但好似我咁用瘦樽, 汞完又要將d奶轉樽, 咁就得個洗字, 當時點解買佢, 因為用緊佢個手汞, 諗住易用d麻, 其實個個牌字既bump都易用易拆, 唔駛擔心唔識用架!!!
實用指數* *, 吸盤塊透明膠好易黃, 呢個汞太多parts, bump完多野洗, 坐月好忙仲要汞一次洗一次, 有陪月都c la ~.~ 我仲要買單汞, 時間又多1倍!!!!
2個月後要返工喇, 喂開媽媽奶又點捨得唔俾我既寶貝女食呀, 初初1~2個week都仲係帶手汞返工, office hour 1日泵2次, 之前講過la, avent多parts, 係公司又要洗又要消毒, 手汞又累, 結果想轉汞, 當然轉媽媽奶神級兵器....medela!!!
想出街同返工用, 當然無線, 仲有媽媽最緊要既係時間, 唔快手d, 瞓都唔夠時間架, 今次一定要買雙汞. medela freestyle 係不二之選.
天呀......如果我早d買就好la, 唔駛經歷之前既辛苦!!!!
用後感~~
1)雙汞唔駛講, 慳時間
2) 呢個牌字唔多parts, 易洗, 跟機我再買多2套parts, 即係有3套, 我汞3次先洗一次 (正!!!)
3) 呢個款無吸盤軟墊, 我覺得吸得實, 唔駛用手拎住, 汞緊時仲有手玩手機. ^^ 可能我唔夠偉大所以吸緊時剛剛好 hand free bar/ hand free strap都唔駛用. 當然唔好太大動作喇.
4) 可以用其他牌字既瘦樽, 直接汞入樽, 唔駛轉樽, 飲完先洗, 又係慳時間la.
(留意pegion 樽上得唔夠實有機會跌, chu chu 同 babisil 會上我實d
5) 無線電, 我去邊都帶住佢 ^^
奶媽唔易做, 真係好多野要洗, 身邊都有朋友叫過我太辛苦就放棄, 成日病又會少奶又要勤力d, 加汞次數再加時, 汞耐d. 年終無休, 定時定候, 星期日想瞓晏d都唔得, 因為身體會定時急call你去汞奶, 真係有苦自己知, 但望到bb食得健健康康, 媽媽都會堅持堅持, 暫時目標6個月....應該無問題, 仲有2個月咋.
